H.முஹம்மது ஆரிப் போன்ற அர்ப்பணிப்பு மிக்க தலைவரை வேட்பாளர் அறிவிப்பில் தமிழக காங்கிரஸ் தலைமை புறக்கணித்தது – கண்டனத்துக்குரியது….. உழைப்பதற்கு உரிய அங்கீகாரம் கிடைப்பதில்லை…!! கோவை காங்கிரசில் வெடிக்கும் பெரும் போராட்டம்…!! அக்கப்போர் நாளிதழ் akkappore.news சொடுக்குங்கh
இந்திய தேசிய காங்கிரஸ் கட்சி என்பது தியாகம், அர்ப்பணிப்பு, மற்றும் மக்களுக்கான சேவையின் அடையாளமாக திகழும் ஒரு வரலாற்றுச் சிறப்பு மிக்க இயக்கமாகும். இந்த இயக்கத்தின் உண்மையான பலம் அதன் அடித்தளத்தில் உழைக்கும் தொண்டர்களும், தலைமுறைகளைத் தாண்டி கட்சிக்காக உழைத்து வரும் குடும்பங்களுமே ஆகும்.
அந்த வகையில், சிறுபான்மை துறை மாநில தலைவர் H. முகமது ஆரிப் அவர்கள், கடந்த 25 முதல் 30 ஆண்டுகளாக காங்கிரஸ் கட்சிக்காக ஆக உழைத்து வந்தவர்.
அவர் ஒரு சாதாரண அரசியல்வாதி அல்ல; கட்சியின் கொள்கைகளை நம்பிக்கையுடன் மக்களிடம் கொண்டு சென்ற உண்மையான போராளி.
அவருடைய குடும்ப வரலாறு காங்கிரஸ் மீது கொண்டுள்ள உறுதியை வெளிப்படுத்துகிறது. அவருடைய தந்தை அரை நூற்றாண்டு காலம் காங்கிரஸ் கட்சிக்காக உழைத்தவர். இதனால், அவர்களின் குடும்பமே ஒரு பாரம்பரிய காங்கிரஸ் குடும்பமாக திகழ்கிறது. இத்தகைய குடும்பங்களை மதித்து கௌரவிப்பது கட்சியின் அடிப்படை பொறுப்பாகும்.
மேலும்,H முஹம்மது ஆரிப் அவர்களின் அர்ப்பணிப்பை வெளிப்படுத்தும் மிகப்பெரிய சான்று என்னவெனில், அவர் கன்னியாகுமரி முதல் காஷ்மீர் வரை சுமார் 3700 கிலோமீட்டர் தலைவர் ராகுல் காந்தியுடன் நடைபயணம் மேற்கொண்டது ஆகும். இந்தப் பயணம் ஒரு சாதாரண அரசியல் நிகழ்வு அல்ல; அது இந்திய ஒற்றுமை, சமத்துவம், மற்றும் ஜனநாயகத்தின் மதிப்புகளை மக்களிடம் கொண்டு சேர்க்கும் ஒரு வரலாற்றுப் பயணம்.
அந்த நடைபயணத்தில் கலந்து கொள்வது உடல் ரீதியாகவும், மன ரீதியாகவும் மிகவும் சவாலான ஒன்று. ஆனால், கட்சியின் கொள்கைகள் மீது கொண்டிருந்த உறுதியினால் H. முகமது ஆரிப் அவர்கள் அந்தப் பயணத்தை முழுமையாக நிறைவு செய்தார்.
இது அவருடைய கட்சிக்கான நம்பிக்கையையும், அர்ப்பணிப்பையும் தெளிவாக காட்டுகிறது.
இவ்வளவு பெரிய தியாகங்களையும், நீண்ட கால சேவையையும் செய்த ஒரு தலைவருக்கு இந்த முறை எம்.எல்.ஏ சீட் வழங்கப்படாதது மிகுந்த வருத்தத்தையும், அதிருப்தியையும் ஏற்படுத்துகிறது.
கடந்த மூன்று ஆண்டுகளில் காங்கிரஸ் கட்சியில் அதிகமான ஆர்ப்பாட்டம் போராட்டங்களை நடத்தியவர் சிறுபான்மை துறை மாநில தலைவர் H.முஹம்மது ஆரிப் அவர்கள் மட்டுமே
இது ஒரு தனிநபரின் மனவேதனை மட்டுமல்ல; கட்சிக்காக உழைக்கும் ஆயிரக்கணக்கான தொண்டர்களின் மனநிலையையும் பாதிக்கும் ஒரு முடிவாகும்.
ஒரு கட்சி வளர வேண்டுமெனில், அதன் அடித்தளத்தை வலுப்படுத்த வேண்டும். அதற்கு விசுவாசமான தொண்டர்களை மதித்து, அவர்களுக்கு உரிய அங்கீகாரம் வழங்க வேண்டும். இல்லையெனில், கட்சியின் உள்ளார்ந்த ஒற்றுமை பாதிக்கப்படும் அபாயம் உள்ளது.
H.முஹம்மது ஆரிப் போன்ற தலைவர்கள் தேர்தல் நேரங்களில் மட்டும் அல்லாமல், கட்சி சவால்களை எதிர்கொண்ட காலங்களிலும் கூட உறுதியுடன் நின்றவர்கள். அவர்களை புறக்கணிப்பது என்பது, கட்சியின் அடித்தள நம்பிக்கையை சிதைக்கும் ஒரு முடிவாகும்.
எனவே, மாநில தலைமை இந்த விவகாரத்தை மிகுந்த கவனத்துடன் மீளாய்வு செய்ய வேண்டும். இத்தகைய அர்ப்பணிப்பு மிக்க தலைவர்களுக்கு உரிய மதிப்பும், அரசியல் வாய்ப்பும் வழங்கப்பட வேண்டும். அது மட்டுமே கட்சியின் எதிர்கால வளர்ச்சிக்கும், ஒற்றுமைக்கும் அடித்தளமாக இருக்கும்.
இது ஒரு கோரிக்கையாக மட்டும் அல்ல; கட்சியின் உண்மையான தொண்டர்களின் மனக்குரலாகும்.
“கட்சிக்காக வாழ்ந்தவர்களை மதிப்பதே, கட்சியின் உயிர்” – இந்த உண்மையை மாநில தலைமை மறந்துவிடக்கூடாது.
இப்படிக்கு A முகமது இஸ்மாயில் குறிச்சி சர்க்கிள் காங்கிரஸ் கமிட்டி தலைவர் கோவை தெற்கு மாவட்டம் தொலைபேசி: 9443436207
