புதுக்கோட்டை மன்னரே தேடி வந்து பெண் கேட்ட தமிழ் சினிமாவின் “காந்தக் கண்ணழகி” – ஏழை டிரைவரை காதலித்த கதை தெரியுமா? akkappore.news சொடுக்குங்க
1963-ல் வெளியான புதுமைப்பெண் திரைப்படமே நடிகை டி.ஆர். ராஜகுமாரி நடித்த கடைசி படம். இவரின் தம்பி டி.ஆர். ராமண்ணா, தமிழ் சினிமாவில் புகழ்பெற்ற இயக்குநரும் தயாரிப்பாளரும் ஆவார்.
“தமிழ் திரைப்பட உலகின் முதல் லேடி சூப்பர் ஸ்டார்” என்று மரியாதையுடன் அழைக்கப்பட்ட டி.ஆர். ராஜகுமாரி, தனது அபாரமான அழகால் காலம் முழுவதும் பேசப்பட்டவர்.
அவரின் அழகில் மயங்கிய புதுக்கோட்டை மன்னர், திருமணத்திற்காக தூது அனுப்பியதாக கூறப்படுகிறது. ஆனால், ராஜகுமாரி அந்த மன்னரின் முன்மொழிவை நிராகரித்து, தனது வீட்டில் பணியாற்றிய ஏழை டிரைவர் ராகவனை காதலித்தார் என்பது பலருக்கும் தெரியாத உண்மை.
1935-ஆம் ஆண்டு Caravan-e-Hayat என்ற இந்தி படத்தில் ராணியாக அறிமுகமான அவர், 1936-ல் குமார குலோத்துங்கன் படத்தின் மூலம் தமிழில் களம் இறங்கினார். அதன் பின்னர் நடித்த கச்ச தேவயானி திரைப்படம் மிகப்பெரிய வெற்றியை பெற்றது.
எம்.கே. தியாகராஜ பாகவதருடன் இணைந்து நடித்த ஹரிதாஸ் திரைப்படம், தமிழ் சினிமா வரலாற்றிலேயே மிக அதிக நாட்கள் திரையரங்குகளில் ஓடிய படமாகும்.
சிவாஜி கணேசனுடன் – அன்பு, மனோகரா, தங்கமலை ரகசியம், தங்க பதுமை
எம்.ஜி.ஆருடன் – பணக்காரி, குலேபகாவலி, புதுமை பித்தன், பாசம், பெரிய இடத்து பெண்
என்ற பல படங்களில் நடித்த அவர், தொடர்ந்து பேரவெற்றிகளை குவித்தார்.
அழகிய கண்களால் ரசிகர்களை மயக்கியதால், அவரை “கவர்க்கி கன்னி”, “காந்தக் கண்ணழகி” போன்ற பெயர்களால் ரசிகர்கள் அழைத்தனர். அத்தகைய அழகிய நடிகையை மணம் முடிக்க புதுக்கோட்டை மன்னர் முயன்றபோதும், ராஜகுமாரி அதற்கு சம்மதிக்கவில்லை.
இதனால், “அவர் யாரையோ மனதில் வைத்திருக்கிறார்” என்று குடும்பத்தினருக்கு சந்தேகம் எழுந்தது. அதனால், அவர் மீது கண்காணிப்பும் வைக்கப்பட்டது.
ஒரு நாள், வீட்டின் டிரைவர் ராகவனுடன் அவர் பேசிக் கொண்டிருப்பதை குடும்பத்தினர் பார்த்தனர். இதனால் ராகவன் அடிக்கப்பட்டு, வீட்டிலிருந்து வெளியேற்றப்பட்டார்.
இதைக் கண்ட ராஜகுமாரி தாங்க முடியாமல் கதவை மூடி அழுததாக கூறப்படுகிறது. பின்னர் ராகவன் ஊரை விட்டு, நெல்லை அருகே கேரள எல்லைப் பகுதியில் குடியேறினார்.
இந்த துயரமான அனுபவத்திற்குப் பிறகு, டி.ஆர். ராஜகுமாரி திருமணம் செய்யாமல், வாழ்நாள் முழுவதும் தனியாகவே வாழ்ந்தார். 1999-ஆம் ஆண்டு, 77 வயதில் அவர் மறைந்தார்.
தமிழ் சினிமாவில் உச்சத்தில் இருந்தாலும், அதிகாரமும் செல்வமும் அல்ல ஒரு ஏழை டிரைவரின் உண்மையான மனதையே தேர்ந்தெடுத்த பெரிய மனம் கொண்டவர் டி.ஆர். ராஜகுமாரி.
இந்த தகவலை இயக்குநரும் தயாரிப்பாளருமான ஒருவர் பகிர்ந்துள்ளார்.
